أخبار عالميّة سوريا: خطف الثائرة مرسيل شحوارو والثائر محمد خليلي على يد احد عناصر لواء حلب لأنها رفضت ارتداء الحجاب
إختطفت الثائرة مارسيل شحوارو منذ دقائق قليلة في المناطق المحررة في حلب (ساحة الجسر الحاج)، مع الناشط محمد الخليلي من قبل لواء حلب لأنها رفضت ارتداء الحجاب بعد عدة تهديدات. وقد تمكنت مارسيل شحوارو من نقل الشهادة الآتية:
أنا مارسيل شحوارو
أنا هلق معتقلة بالهيئة الشرعية بسبب عدم ارتداء الحجاب في المناطق المحررة
القصة اللي صارت هية الاتي
كنا مع مجموعة شباب بنشاط ثوري عند دوار جسر الحج
النشاط عبارة عن صنع دوار من صور شهداء الثورة بحلب وزرع اشجار بالدوار
اللي صار قيادي من جيش المجاهدين اسمو ابو الحسنين طلب مني ارتداء الحجاب لأنو هالمناطق تخضع لسيطرة جيش المجاهدين وبعد رفضي للأمر اجت سيارة فيا مجموعة عناصر مسلحين طلب مني اني روح معن
الشباب اللي كانو معي ما خلون ياخدوني وصار ضرب رصاص وعراك بين الشباب والعناصر وتدخلت كتير اطراف وبالاخير طلعت مع الشباب عالتجمع وبعد نقاش طويل اني لازم ارتدي الحجاب وبيخلوني روح
انا رفضت وبالنهاية انا هلق مع محمد خليلي معتقلة بالهيئة الشرعية
